Мінскія ўлады афіцыйна адмянілі рашэнне № 101.

Toto (Admin)
Site Admin
Сообщений: 4126
Зарегистрирован: Вс янв 28, 2007 8:41 pm
Откуда: Минск
Контактная информация:

Мінскія ўлады афіцыйна адмянілі рашэнне № 101.

Сообщение Toto (Admin) » Ср июн 15, 2011 10:39 pm

Рашэнне №101 Мінгарвыканкама афіцыйна адмененае.

Мінскія ўлады афіцыйна адмянілі рашэнне № 101 ад 15 студзеня 2009 года, паводле якога 5%-ныя льготныя крэдыты пры наяўнасці дамовы з забудоўшчыкам маглі атрымаць усе ахвотныя незалежна ад даты пастаноўкі на чаргу.

Сёння ў Нацыянальным прававым рэестры было зарэгістравана (№ 9/41632) рашэнне Мінгарвыканкама № 1601 ад 10.06.2011 «Аб прызнанні страціўшым сілу рашэння Мінгарвыканкама ад 15 студзеня 2009 г. № 101)».

Мінчукі згубілі самую выгадную магчымасць для будаўніцтва сваёй кватэры. Дзякуючы рашэнню № 101 кватэры змаглі пабудаваць каля 5 тысяч сем’яў (2–3 тысячы чалавек за год), якія адстаялі ў чарзе менш за 20 гадоў. Нават калі ўлічыць, што сярэдні памер такога крэдыту складаў каля $40 тысяч, агульныя выдаткі дзяржавы не перавышалі $100 мільёнаў штогод. Іншая рэч, што

ў сувязі з дэвальвацыяй папулярнасць такіх крэдытаў рэзка пайшла ўверх — беларусы разумелі, што аддаваць крэдыт у беларускіх рублях будзе нескладана.

Размовы пра адмену рашэння № 101 вяліся яшчэ год таму, нават называўся нібыта дакладны час — май, але ў перадвыбарчы год дзяржава не рашылася крыўдзіць жыхароў сталіцы.

Такім чынам, цяпер на рынку нерухомасці застаюцца 16%-ныя крэдыты для тых, хто стаіць у чарзе на паляпшэнне жыллёвых умоў, і 25–26%-ныя для ўсіх астатніх. У дадатак для атрымання такога крэдыту патрэбны вялікі заробак, якім не можа пахваліцца большасць беларусаў. Але цэны на будаўнічыя матэрыялы растуць. Забудоўшчыкі не гатовыя памяншаць кошт квадратнага метра, бо застануцца ў мінусе.

Гэта пагражае змяншэннем колькасці дамоў, што будуюцца ў сталіцы. Зрэшты, менавіта такой мэты дабіваецца Аляксандр Лукашэнка, заяўляючы, што новага жылля ў Мінску не павінна быць шмат.

На думку былога прэм'ера Сяргея Лінга, акурат пампаванне грошай у эканоміку праз будаўніцтва стала адной з прычынаў фінансавага крызісу ў Беларусі.

Наша Нива
Яўген Васількоў, Сяргей Гезгала
15.06.2011 г

Вернуться в «Льготы; субсидии; господдержка строительства и покупки жилья; социальное жилье»

Кто сейчас на форуме

Количество пользователей, которые сейчас просматривают этот форум: нет зарегистрированных пользователей и 4 гостей

cron

Rambler's Top100 Rambler'sTop100 Рейтинг агентств недвижимости портала Realt.by